'Canonical spouse' daw o, sino ang bulaan sa dalawa?

'SINGLE' ang INILAGAY NI GINA REYES. BAKIT KAYA? ABANGAN!

Paano na ang gawin mo ‘igan kapag ang iyong asawa ay biglang ipangalandakan sa buong mundo na siya ay dalaga, habang ikaw naman sa kabilang dako ay pilit na inasabing kayo ay mag-asawa? Hindi naman siguro pendejo ang puwedeng itawag sa iyo, ano? O baka hindi mo alam na ang asawa mo ay naging asawa at ikinasal din kay ganito at ganoon?

Si Regina O. Reyes ay dineklarang siya ay SINGLE sa kanyang COC, isang sinumpaang salaysay ngani. Pumiyok naman si Mister Mandanas, Congressman ng Batangas, para magreklamo at magsabi na si Regina, “incidentally is my canonical spouse”.

Sino ngayon ito ay lalong pinalabo at nagapaliguy-liguy at hindi sabihin kung sila ay kasal o hindi? Inatanggap baga naman sa batas kung magsalita ka ng alanganing ‘CANONICAL SPOUSE’ ko siya? Maliwanag naman ang inasabi: Ano ang civil status ni Gina na pinirmahan niya UNDER OATH? Sagot ni Gina ay “SINGLE” at hindi "Married".

 E di silang dalawang mag-asawa ang magdebate buong araw at magdamag kung sino sa kanilang dalawa ang tama. Maliwanag naman ang batas Pilipinas ay bakit baga inapalabo? Prove it with a legal marriage contract, na baka ika-alta presyon naman ng isa sa dalawa kapag inilabas dahil tulad ng kinagawian, malamang may anomaly na naman sa simpleng kaso ng kasal. Pero dapat ngani, para lumabas kung sino ang TUNAY NA SINUNGALING sa kanilang dalawa!

Cong. Mandanas, patunayan mo pa please! Tama na ang palusot at paikot-ikot! Di kaya ay ireklamo mo ang iyong canonical spouse sa kanyang ginawang kasinungalingan at pagtatwa sa iyo sa kanyang COC.